Fələstinin HƏMAS radikal hərəkatının yaraqlı qanadı – İzzəddin əl-Qəssam Briqadaları Qəzza şəhərinin şərqində İsrailin zirehli personal daşıyıcısına hücum etdiyini bildirib.
İzzəddin əl-Qəssam Briqadalarının Telegram kanalında dərc edilən mesajdan belə çıxır ki, qrup üzvləri Əl-Yassin-105 mərmisi ilə İsrail Silahlı Qüvvələrinə məxsus zirehli transportyoru vurublar. Döyüş maşınının Qəzza şəhərinin şərqində yerləşən Əz-Zeytun bölgəsinin şərq hissəsinə daxil olduğu iddia edilir.
Bundan əvvəl İsrail Müdafiə Qüvvələrinin sözçüsü Daniel Həcəri yəhudi dövlətinin Qəzza zolağında quru hərbi əməliyyatının “miqyasını genişləndirdiyini” bildirmişdi. (Tass)