Fələstinin radikal HƏMAS hərəkatının silahlı qanadı İzzəddin əl-Qəssam Briqadaları Qüdsdəki hücuma görə məsuliyyəti öz üzərinə götürüb.
Qrupun Telegram kanalında yayımlanan bəyanatda deyilir: “İzzəddin əl-Qəssam Briqadaları bu səhər işğal altındakı Qüds şəhərinin şimal-qərb girişində baş vermiş qəhrəmancasına əməliyyata görə bütün məsuliyyəti öz üzərinə götürür”. Qəzza zolağında və İordan çayının qərb sahilində uşaq və qadınların öldürülməsi, həmçinin Məscidül-Əqsanın təhqir olunmasına cavab olaraq həyata keçirilib.
İsrailin Kan radiostansiyasının verdiyi məlumata görə , Şərqi Qüdsdən olan iki fələstinli Təl-Əvivdən şəhərin girişində odlu silahdan istifadə edərək terror aktı həyata keçirib. Radikallar avtomobili avtobus dayanacağına aparıb, maşından düşüb və orada dayanan insanlara tapança və M16 tüfəngindən atəş açmağa başlayıblar. İsrail əsgərləri cavab atəşi ilə onları məhv ediblər.
İsrail Xarici İşlər Nazirliyinin mətbuat xidməti daha əvvəl bu hücum nəticəsində azı üç israillinin öldüyünü, altısının isə yaralandığını bildirmişdi. İzzəddin əl-Qəssam briqadasının məlumatına görə, 12 israilli yaralanıb. (Tass)