Bu barədə HƏMAS-ın saytında dərc olunmuş bəyanatda deyilir. Həmasın sözçüsü Fevzi Berhum İsrailin Qəzza zolağına daxil olan quru qoşunlarının bir neçə cəbhədə nəzərəçarpacaq irəliləyiş əldə etməsi barədə elanı “xəyali irəliləyiş” hesab edib.
Berhum bəyan edib ki, İsrail Qəzza zolağında “xəyali irəliləyiş” təbliğ etməyə və öz xalqına qarşı “psixoloji müharibə” aparmağa çalışır.
Berhum Fələstin müqavimətinin sabit və yüksəlişdə olduğunu, mübarizəni tam şüur, anlayış və bacarıqla idarə etdiyini və sahənin idarəçiliyinin müqavimətin nəzarətində olduğunu qeyd edib. O, bəyan edib ki, məhdud ərazilərdə tankların olması onların sahədə nəzarəti olması demək deyil.
Berhum, Qəzzada müqavimətin günün hər saatında ixtisaslı və yaradıcı əməliyyatlar həyata keçirdiyini, İsrailin tank və zirehli texnikasını məhv etməyə və bütün cəbhələrdə İsrail əsgərlərini öldürməyə davam etdiyini vurğulayıb. (TRT Haber)