HƏMAS liderlərindən biri Saleh əl-Arurinin Livanın paytaxtı Beyrutda İsrailin pilotsuz təyyarəsinin hücumu nəticəsində öldürülməsindən sonra açıqlama verib.
Bəyanatda deyilir: “Sionist işğalçıların (İsrail) Fələstinin daxilində və xaricində liderlərimizə və simvolik şəxsiyyətlərimizə qarşı həyata keçirdiyi qorxaq sui-qəsdlər xalqımızın iradə və əzmini qırmağa müvəffəq olmayacaq və cəsur müqavimətimizə mane olmayacaq.
Həmas qeyd edib ki, İsrail sui-qəsdi həyata keçirməklə “Qəzzada məqsədlərinə çata bilmədiyini sübut edib”.
Livan Rəsmi xəbər agentliyi NNA, hücumla bağlı xəbərində, aralarında Arurinin də olduğu 6 nəfərin öldüyünü açıqlayıb. (TRT Haber)
