İsrail hakimiyyətinin Qəzzanın cənubundakı Xan Yunis şəhəri yaxınlığındakı Əl-Məvasi bölgəsinə hücumun Fələstin HƏMAS hərəkatının silahlı qanadının liderlərini məhv etmək məqsədi daşıdığı barədə açıqlamaları onların hərəkətlərinə bəraət qazandırmaq və faciənin miqyasını gizlətmək cəhdidir. Bu barədə radikal hərəkatın HƏMAS Teleqram kanalında dərc olunmuş bəyanatında deyilir.
“İsrail hakimiyyətinin Xan Yunisdə Fələstin liderlərinə hücumla bağlı iddiaları yalandır”, – bəyanatda deyilir. HƏMAS-a görə, “bu saxta ittihamlar yalnız Əl-Məvasidəki faciənin miqyasını gizlətmək məqsədi daşıyır”.
Qəzza Səhiyyə Nazirliyinin son məlumatına görə, Xan Yunis yaxınlığındakı Əl-Məvasi bölgəsinə İsrailin endirdiyi zərbə nəticəsində 70-dən çox adam ölüb, 300-ə yaxın insan yaralanıb. (Tass)