İsrail Qəzzada qətliamını davam etdirərkən, dünən evinin bombalandığı açıqlanan Həmas Siyasi Bürosunun sədri İsmayıl Haniyə açıqlama verib. İsrailə meydan oxuyan Haniyə, “İsrail bu müharibənin uzunmüddətli olmasını istəyirsə, bizim nəfəsimiz onun nəfəsindən uzun olacaq” deyib.
İsrailin Qəzzada törətdiyi qırğınların 42-ci günündə HƏMAS lideri İsmayıl Haniyə yayımladığı videoyazıda Qəzzada İsrailə qarşı mübarizə, düşmənə vurulan zərbə, onun nəticələri, Birləşmiş Millətlər Təşkilatı (BMT) və İslam Əməkdaşlıq Təşkilatın Birgə Zirvə Toplantısında qəbul edilən qərarlarla bağlı açıqlamalar verib. Müqavimət qüvvələrinin Qəzzada misilsiz şücaət və qəhrəmanlıq nümunəsi göstərərək düşmən ordusuna ağrılı zərbələr vurduğunu bildirən Haniyə Qəzzada olan müqavimət qüvvələrini Allahın əsgərləri kimi səciyyələndirərək, Allahın bu insanların əli ilə verdiyi vədi yerinə yetirəcəyini bildirib.
Haniyə vurğulayıb ki, Qəzzada olduğu kimi İordan çayının qərb sahilindəki fələstinlilər də İsrail qüvvələri və yəhudi məskunlaşmaçılar tərəfindən basqın və hücumlara, həbslərə və torpaq müsadirələrinə qarşı mübarizə aparır.
Fələstin müqavimətinin Fələstini və ümmətin müqəddəs dəyərlərini qorumaq üçün mübarizə apardığını bildirən Haniyə, “Müqavimət İsraillə strateji mübarizə aparır və bu mübarizədən ancaq qələbə ilə çıxacaq. İsrail bu müharibənin olmasını uzunmüddətli olmasını istəsə nəfəsimiz nəfəsindən uzun olacaq. Müqavimət bu müharibədə qalib gələcək. “Sözü deyən o olacaq və dünya görəcək ki, Qəssam Briqadaları və müqavimət qüvvələri 18 il əvvəl olduğu kimi işğalçıya qalib gələcək.