Radikal HƏMAS hərəkatının hərbi qanadı olan İzzəddin əl-Qəssam Briqadalarının fələstinli yaraqlıları İsrailin şimalına raket hücumuna görə məsuliyyəti öz üzərinə götürüb. Bu barədə qurumun Telegram kanalında yerləşdirilmiş bəyanatında deyilir.
“Qəzza zolağında dinc əhalinin qətliamına cavab olaraq qırıcılarımız Qərbi Qalileydəki Şomera qəsəbəsində İsrail ordusunun 300-cü briqadasının qərargahına raket zərbəsi endiriblər”, – mətndə qeyd edilir.
HƏMAS silahlıları sonuncu dəfə fevralın 28-də Livanın cənubundan İsrail mövqelərini atəşə tutublar. Daha sonra Beyt Hillel və Kiryat Şmona yaşayış məntəqələrinə minaatanlardan atəş açılıb. Hücumun hədəfi 40 raketin atıldığı İsrail 769-cu diviziyasının qərargahı və kazarma ərazisi olub. (Tass)