Fələstinin HƏMAS hərəkatı İordan çayının qərb sahilində böyük rol oynayan Fəth qruplaşması ilə Qəzza zolağının idarə olunması üçün müvəqqəti qurumun yaradılmasını müzakirə etdiyini təsdiqləyib. Müvafiq bəyanat HƏMAS-ın Telegram kanalında dərc olunub.
Sənəddə deyilir: “Biz Qahirədə Fəth nümayəndələri ilə görüş zamanı bir sıra təklifləri, o cümlədən ümumFələstin milli razılıq hökuməti formalaşana qədər Qəzzədəki vəziyyətə nəzarəti əhatə edən təşkilatın yaradılmasını müzakirə etdik”. Həmas tərəfdarları danışıqları müsbət qiymətləndirib və “bütün Fələstin xalqının və xüsusilə Qəzza xalqının xeyrinə olacaq həll yollarının hazırlanması üçün həm Fəth nümayəndələri, həm də bütün digər Fələstin fraksiyalarının üzvləri ilə yeni görüşlərin keçirilməsinə” ümid etdiklərini bildiriblər. “.
Həmas vurğuladı ki, o, anklavın idarə olunmasını “yalnız milli konsensusla həll edilməli olan daxili Fələstin məsələsi” hesab edir və bu baxımdan “fələstinlilərə kənardan tətbiq olunmağa çalışan hər hansı tədbiri rədd edir”.