Fələstinin HƏMAS radikal hərəkatı Türkiyənin dəstəyi ilə Qəzza zolağında atəşkəslə bağlı İsraillə razılığa gəlmək üçün yeni təşəbbüsünü irəli sürməyə çalışır. Bu barədə “Asharq Al-Awsat” qəzeti hərəkatdakı mənbələrə istinadən məlumat yayıb.
Onların sözlərinə görə, HƏMAS-ın nümayəndə heyəti Ankarada Türkiyə rəsmiləri ilə görüş zamanı onlardan ABŞ-la əlaqələrindən istifadə etmələrini və hərəkatın təklifini Amerika administrasiyasına çatdırmalarını istəyib. Qəzet mənbələrdən birinə istinadla yazır: “Türkiyədə keçirilən görüşlərin məqsədi türk rəsmilərinə ABŞ-ın hazırkı administrasiyası ilə yaxşı münasibətlərindən Vaşinqtona Həmasla bağlı baxışları çatdırmaq üçün istifadə etməyin zəruriliyi fikrini çatdırmaqdır”.
Bundan əlavə, qəzetin yazdığına görə, HƏMAS xüsusilə Qətər vasitəçilərinin köməyi ilə ABŞ-ın “İsrailə təzyiq göstərməkdə daha fəal rol oynamasına” nail olmaq üçün başqa yollar axtarır. HƏMAS-ın təklifi “razılaşdırılmış sayda fələstinli məhbuslar müqabilində bütün israilli girovların azad edilməsini, hərbi əməliyyatların dayandırılmasını və İsrail qoşunlarının Qəzza zolağının bütün ərazilərindən çıxarılmasını” tələb edir. (Tass)