Yeni Azərbaycan Partiyası (YAP) Sumqayıt şəhər təşkilatının Ulu Öndər Heydər Əliyevin anadan olmasının 100 illik yubileyi münasibətilə təşkil etdiyi “Heydər Əliyev Məktəbi” layihəsi yekunlaşıb. Təşkilatın ofisində keçirilən son məşğələdə YAP İdarə Heyətinin üzvü, Sumqayıt şəhər təşkilatının sədri Ramiz Hüseynov, YAP Veteranlar şurasının üzvü Zərifə Quliyeva, şəhərin fəal gənclərinin nümayəndələri iştirak ediblər.
AZƏRTAC xəbər verir ki, tədbir Dövlət Himninin səsləndirilməsi ilə başlayıb, Ümummilli Lider Heydər Əliyevin və şəhidlərin əziz xatirəsi bir dəqiqəlik sükutla yad olunub.
Təşkilatın sədri Ramiz Hüseynov “Ulu Öndərin siyasəti Azərbaycanın uğurlarının əsasını təşkil edir”, YAP Veteranlar şurasının üzvü Zərifə Quliyeva “Azərbaycanı yeni minilliyə aparan qüdrətli dövlət kimi aparan lider” mövzusunda məruzə ilə çıxış ediblər.
Sonda “Heydər Əliyev Məktəbi”nin iştirakçılarına sertifikatlar, hədiyyələr təqdim olunub.