Hindistanın dünyanın digər ölkələri, o cümlədən Rusiya ilə münasibətləri qurmaqda seçim azadlığı var, ABŞ bunu dərk etməlidir. Bunu Hindistan Xarici İşlər Nazirliyinin rəsmi nümayəndəsi Randhir Caisval ABŞ dövlət katibinin Cənubi və Mərkəzi Asiya məsələləri üzrə köməkçisi Donald Lu-nun Hindistanın baş naziri Narendra Modinin Moskvaya səfərindən Vaşinqtonun məyus olması barədə bəyanatını şərh edərkən deyib.
“Amerika Konqresindəki şərhlərə gəlincə, başa düşmək lazımdır ki, Hindistan və Rusiyanın mövcud çoxqütblü dünyada maraqların qarşılıqlılığına əsaslanan uzunmüddətli əlaqələri var hər kəsin belə reallıqları başa düşməsi və qiymətləndirməsi vacibdir”, – Jaisval bildirib.
Bundan əvvəl Lu ABŞ Konqresində keçirilən dinləmələrdə bildirib ki, Vaşinqtonda NATO sammitinin keçirildiyi bir vaxtda Modinin Rusiyaya səfərinin simvolizmi və vaxtı ABŞ-ı məyus edib. (Tass)