Hindistan Ermənistana yeni silah və sursat partiyası vermək imkanını öyrənir. Bu barədə “The Economic Times” qəzeti mənbələrə istinadən məlumat yayıb.
Onların sözlərinə görə, Ermənistanın yüksək rütbəli nümayəndəsi Nyu-Dehlidə iki ölkə arasında 2022-ci ilin sentyabrında imzalanan müqavilələr əsasında həyata keçiriləcək silah tədarükü ilə bağlı danışıqlar aparıb.
Müqavilələrin dəyəri 20 milyard rupi (244,7 milyon dollar) təşkil edir. Onlara uyğun olaraq, Hindistan əvvəllər Ermənistana xaricə ilk dəfə satılan öz konstruksiyası olan “Pinaka” reaktiv yaylım atəş sistemləri (MLRS), həmçinin tank əleyhinə raketlər və bir dəstə sursat verib. Silahlar İran ərazisindən keçən nəqliyyat dəhlizi vasitəsilə çatdırılıb.
“Indian Defence Research Wing” internet nəşrinin məlumatına görə , avqustun əvvəlində Hindistanın “Bharat Forge LTD” müdafiə şirkəti 155,5 milyon dollar dəyərində müqavilə çərçivəsində altı yedəyə alınmış 155 mm-lik ATAGS haubitsasını Ermənistana təhvil verib. (Tass)