Hindistan Fələstinə 38 ton dərman və tibbi avadanlıq göndərib və ölkə Fələstin xalqına humanitar yardımı davam etdirəcək. Bu barədə respublikanın BMT-dəki daimi nümayəndəsinin müavini R.Ravindra məlumat verib.
“Hindistan Fələstinə dərman və avadanlıq da daxil olmaqla 38 ton humanitar yardım göndərib. Bu çətin anlarda Hindistan Fələstin xalqına humanitar yardım göndərməyə davam edəcək”, – o, BMT Təhlükəsizlik Şurasının ölkədə vəziyyətlə bağlı açıq müzakirəsində deyib.
O, münaqişə tərəflərini “sülh və birbaşa danışıqların bərpası, o cümlədən gərginliyin azaldılması və zorakılığın dayandırılması yolu ilə bərpa etmək üçün zəruri şərait yaratmağa” çağırıb.
Ravindra xatırladıb ki, Hindistanın baş naziri Narendra Modinin Fələstin-İsrail münaqişəsinin şiddətlənməsindən sonra insan itkisi ilə bağlı başsağlığı verən və zorakılığı pisləyən ilk dünya liderləri arasında olub. “Terror hücumları ilə üzləşən İsraillə həmrəy olduq. Qəzzada Əl-Əhli xəstəxanasında faciəli şəkildə insan itkisi də bizi dərindən sarsıtdı”, – o deyib. Hindistanlı diplomat rəsmi Yeni Dehlinin Fələstin-İsrail probleminin “iki dövlətin birgə yaşaması əsasında” həllinə dəstəyini xatırladıb. Belə bir yanaşma İsraillə sülh şəraitində təhlükəsiz və tanınmış sərhədlər daxilində yaşayan suveren Fələstin dövlətinin yaradılmasına gətirib çıxara bilər, deyib. (Tass)