Hindistan İsveçrədə Ukrayna ilə bağlı konfransda iştirakla bağlı hələ qərar verməyib. Bunu Hindistan Xarici İşlər Nazirliyinin sözçüsü Randhir Caisval brifinqdə deyib.
“Hazırda [konfransda] iştirakla bağlı heç bir qərar verilməyib”.
Eyni zamanda o əlavə edib ki, Hindistan münaqişənin tezliklə həllinə töhfə verə biləcək addımları alqışlayır.
Daha əvvəl İsveçrə Federal Xarici İşlər Departamenti Bern 15-16 iyunda Bürgenstokda keçiriləcək Ukrayna üzrə konfransa Yeddilik Qrupu, İyirmilik Qrupu və BRİKS ölkələrindən də daxil olmaqla 160-dan çox nümayəndə heyətini dəvət etdiyini bildirmişdi. . Ölkənin səlahiyyətli orqanlarına görə, Rusiya “hazırda” dəvət olunanlar arasında deyil. (Tass)
