Hindistan və Britaniya hakimiyyət orqanları müdafiə və təhlükəsizlik sahəsində əməkdaşlığı dərinləşdirmək barədə razılığa gəliblər. Bu barədə Hindistan Xarici İşlər Nazirliyinin iki ölkənin xarici işlər nazirləri – Subrahmanyam Caishankar və David Lammy arasında danışıqlardan sonra dərc etdiyi yekun bəyanatda deyilir.
“Tərəflər Hind-Sakit Okean regionunda və onun hüdudlarından kənarda müdafiə və təhlükəsizlik sahəsində əməkdaşlığı dərinləşdirməyə, habelə qeyri-dövlət aktorlarının artan təhdidlərinə qarşı mübarizə imkanlarını genişləndirməyə razılaşıblar”, – bəyanatda deyilir.
Danışıqlar zamanı Cayşankar və Lammi həmçinin qarşılıqlı maraq doğuran regional və qlobal problemlər, o cümlədən Ukrayna münaqişəsi və Yaxın Şərqdəki vəziyyət barədə fikir mübadiləsi aparıblar.
“Hər iki tərəf Hindistan və Böyük Britaniya arasında azad ticarət sazişi üzrə danışıqlarda əldə edilmiş əhəmiyyətli irəliləyişi yüksək qiymətləndirib və onların tezliklə başa çatmasını gözləyirlər”, – yekun bəyanatda deyilir. (Tass)
