Mayın 7-nə keçən gecə Hindistan silahlı qüvvələri Pakistanda terrorçuların infrastrukturuna zərbələr endirərək Sindoor əməliyyatına başlayıb. Sərhəd boyu müxtəlif ərazilərdə atışmaların olduğu bildirilir.
Reuters hadisə şahidlərinə istinadən Pakistanın nəzarətində olan Kəşmirin paytaxtı Müzəffərabad şəhəri yaxınlığında çoxsaylı partlayışların baş verdiyini bildirib.
Hindistan hökuməti daha sonra bildirib ki, onun ordusu birlik ərazisi olan Cammu və Kəşmirin Pakistanın nəzarətində olan ərazilərdə doqquz hədəfi vurub.
Yeni Dehli isə iddia edir ki, zərbələr yalnız hərbi hədəflərə endirilib və Pakistan yenidən atəşkəs razılaşmasını pozur.
Hindistan quru qüvvələri Pakistana zərbəni “ədalətin təntənəsi” adlandırıb. Müdafiə naziri Rajnath Singh ölkə silahlı qüvvələrinin hərəkətlərini alqışlayıb.
Hindistan Müdafiə Nazirliyinin rəsmiləri bütün hava hücumundan müdafiə qüvvələrini sərhədə yerləşdirdiklərini bildiriblər.
ANI-nin məlumatına görə, Hindistan Silahlı Qüvvələri silahlı qüvvələrin hər üç qolunun dəqiq silahlarından istifadə etməklə öz ərazisindən Pakistandakı hədəflərə zərbələr endirib. (Tass)