Hindistanın baş naziri Narendra Modi Hindistan istehsalı olan “Tejas” yüngül döyüş təyyarəsi ilə uçub.
Uçuş Hindistanın cənubundakı Karnataka əyalətinin Banqalor şəhərində həyata keçirilib. Tejas tək yerlik döyüş təyyarəsidir, lakin Modi iki yerlik təlimçi variantını uçurub. “Tejas reysi uğurlu olub. Bu təcrübə ölkəmizin imkanlarına olan inamımı xeyli artırdı”, – Hindistan hökumətinin başçısı X sosial şəbəkəsindəki (keçmiş Twitter) səhifəsində yazıb.
Tejas qırıcısı Hindistanın Hindustan Aeronautics Limited (HAL) şirkəti tərəfindən istehsal olunub. Onun üzərində iş 1980-ci illərdən bəri davam edir. 2015-ci ildə qırıcının Hindistan Hərbi Hava Qüvvələrində istifadəyə verilməsi qərara alınıb. Hazırda Tejas Mk2 qırıcısının yeni modifikasiyası üzərində iş gedir.
HAL daha əvvəl bildirmişdi ki, şirkət Tejas-ın tədarükü üçün ən azı dörd ölkə ilə danışıqlar aparır. Hindistan döyüş təyyarəsini almaqda Malayziya, Misir, Argentina və Botsvana maraq göstərib. Yerli media da bu kontekstdə Avstraliya, İndoneziya və Filippinin adını çəkib. (Tass)