Şiə Hizbullah partiyasının silahlı qüvvələri Qərbi Qalileydə yerləşən yaşayış məntəqələrində İsrail ordusunun mövqelərinə raket zərbələri endirib.
Al Mayadeen telekanalının məlumatına görə , Avivim, Netuva, Şlomi və Ştula qəsəbələrində hava hücumu sirenləri işə düşüb. Atışmanın nəticələri və zərərçəkənlər barədə məlumat verilməyib.
“Hizbullah”ın hərbi informasiya xidmətinin Telegram kanalında yerləşdirilmiş hesabatında bildirilir ki, şiə döyüşçüləri sərhəddə yerləşən Rağib bölgəsində düşmən qüvvələrinin konsentrasiyasına hücum ediblər. Mətndə Livanın cənubundan düşmənə atəşin artilleriya silahlarından açıldığı göstərilir.
Bundan əvvəl İsrail Hərbi Hava Qüvvələri və pilotsuz təyyarələri Hizbullahın Aytrun, Bəraşit, Bint Cbeil və Məcdəl Zun məntəqələrində reydlər həyata keçirib. Nəticədə 3 şiə döyüşçüsü öldürülüb, bir mülki şəxs isə yaralanıb.
(Tass)