Şiə Hizbullah partiyasının silahlı qanadı işğal olunmuş ərazilərdəki Zıbdindəki İsrail briqadasının qərargahına hücumda iki pilotsuz təyyarədən istifadə edib. Bu barədə birləşmənin hərbi informasiya xidmətinin Telegram kanalında yerləşdirilmiş bəyanatında deyilir.
“Əməliyyat zamanı İslam müqavimətinin mücahidləri İsrailin ümumilikdə 19 mövqeyini vurublar”, mətndə qeyd edilir: “Eyni zamanda idarə olunan raketlər və minaatanlardan istifadə edilib”. Sənəddə qeyd edilib ki, düşmənə canlı qüvvə və texnikada xeyli ziyan dəyib.
Naharnet xəbər portalının məlumatına görə , İsrail ordusunun Livanla sərhəddəki postlarına eyni vaxtda 25 mərmi və raket atılıb.
Buna cavab olaraq İsrail artilleriyası Mays əl-Cəbəl, Aytarun, Marun ər-Ras, Markaba, Mərvaheyn və Yarin yaşayış məntəqələrini atəşə tutub. Mülki itkilər barədə məlumat verilmir. (Tass)