Şiə Hizbullah partiyasının silahlı qanadının döyüşçüləri Birket Rişa, Ramtha və Es Samak sərhəd bölgələrində İsrail Müdafiə Qüvvələrinin mövqelərini atəşə tutub. Bu barədə birləşmənin hərbi informasiya xidmətinin Telegram kanalında yerləşdirilən xülasədə deyilir.
Hücumlarda tank əleyhinə idarə olunan raketlərdən və çoxsaylı yaylım atəşli reaktiv sistemlərindən istifadə edildiyi bildirilir. “Zərbələr düşmənin şəxsi heyətinin və mexanikləşdirilmiş patrulların cəmləşməsinə qarşı həyata keçirilib”, mətndə qeyd edilir: “Birbaşa zərbələr nəticəsində İsrail əsgərləri arasında itkilər olub”.
Bundan əvvəl Beyt Hillel və Kiryat Şmona yaşayış məntəqələri Livanın cənubundan minaatanlardan atəşə tutulub. Bu əməliyyatda Fələstin HƏMAS hərəkatının silahlı qanadı olan İzzəddin əl-Qəssam Briqadaları iştirak edib. Telegram kanalında yayımlanan bəyanatda yaraqlılar İsrailin 769-cu diviziyasının qərargahı və kazarmalarının yerləşdiyi əraziyə hücum edərək onlara 40 raket atdıqlarını bildiriblər.
Müdafiə Ordusunun mətbuat xidməti İsrail qırıcılarının şimaldakı yaşayış məntəqələrinə atəş açılan bir buraxılış qurğusunu məhv etdiyini bildirib. (Tass)