Livanın “Hizbullah” şiə hərəkatı bütün cəbhələrdə İsraillə uzunmüddətli qarşıdurmaya hazırdır. Bunu Beyrutda mətbuat konfransında çıxış edən təşkilatın informasiya xidmətinin rəhbəri Məhəmməd Afif deyib.
“Biz təsdiq edirik ki, müqavimət döyüşçülərinin, xüsusən də cəbhə xəttində, bütün cəbhələrdə hazırlaşdığımız uzun müharibə üçün kifayət qədər silah, hərbi texnika və təchizat var”, – deyə Afif vurğulayıb.
Hizbullah sözçüsü əlavə edib ki, İsrailin hərəkatın raket potensialının əhəmiyyətli dərəcədə azaldılması ilə bağlı iddiaları həqiqətə uyğun deyil, çünki onun qırıcıları İsrailin Tel-Əviv, Hayfa və Colan təpələrindəki hərbi obyektlərinə, o cümlədən yeni tipli raketlərdən istifadə etməklə zərbələr endirməkdə davam edir. (Tass)