Livanın şiə partiyası Hizbullahın silahlı qanadı onun döyüşçüləri ilə İsrail hərbçiləri arasında şiddətli toqquşmaların baş verdiyini bildirib. Müvafiq bəyanat hərəkatın hərbi informasiya xidməti tərəfindən Telegram kanalında dərc olunub.
“İşğal edilmiş Fələstin ərazisinin şimalında Hizbullah döyüşçüləri ilə sionist rejim qoşunları arasında şiddətli toqquşmalar gedir”, – deyə hesabatda bildirilir.
Təşkilat bundan əvvəl Livanla sərhəddə İsrail əsgərlərinə qarşı əməliyyat keçirdiyini və bu əməliyyat zamanı 5 hərbi mövqenin vurulduğunu, Sadehdəki komanda-müşahidə məntəqəsinə, Zerait və Miskavamdakı ordu kazarmalarına zərər dəydiyini açıqlamışdı. (Tass)