Şiə Hizbullah partiyasının silahlı qüvvələri İsrailin şimalındakı məskunlaşma məntəqələri istiqamətində pilotsuz uçuş aparatları buraxıb.
Əl-Cəzirə xəbər verir ki, Yuxarı Qalileydə Kiryat Şmona və Metula şəhərlərində hava hücumu sirenləri işə düşüb. Vurulan dronlarla bağlı heç bir məlumat yoxdur.
“Hizbullah”ın hərbi informasiya xidmətinin Telegram kanalında yerləşdirilmiş hesabatında səhər saatlarında Xədeb Yarin və Ədəsirdə düşmənin möhkəmləndirilmiş ərazilərinə qarşı həyata keçirilən əməliyyatlar barədə məlumat verilir. Mətndə deyilir ki, bu hücumlar nəticəsində İsrail əsgərləri itki verib. (Tass)