Şiə Hizbullah partiyasının silahlı qanadı bildirib ki, onun döyüşçüləri Livanla sərhəddəki yəhudilərin Biranit qəsəbəsinə hücum zamanı İsrailin Merkava tankını sıradan çıxarıblar.
Qurumun Teleqram kanalında yayılan hərbi hesabatda deyilir: “İslam müqavimətinin mücahidləri zirehli maşın Biranitdəki 91-ci diviziyanın qərargahına yaxın olan vaxt idarə olunan raketlə İsrailin Merkava tankını vurublar”. Ekipaj üzvləri arasında ölən və yaralananların olduğu iddia edilir.
Noyabrın 16-da şiə döyüşçüləri Livan-İsrail sərhədində hərbi eskalasiyanın başlanğıcı olan oktyabrın 8-dən bəri 12 Merkava tankını və iki Zelda zirehli transportyorunu sıradan çıxardıqlarını bildirdilər.
İsrail ordusu komandanlığından Livanla sərhəddə tankların və zirehli transportyorların məhv edilməsi ilə bağlı heç bir təsdiq yoxdur. (Tass)