İsrailin Livan ərazisinə endirdiyi aviazərbələrə cavab olaraq “Hizbullah” şiə milislərinin döyüşçüləri Qərbi Qalileyada məskunlaşan ərazilərə atəş açıblar. Bu barədə qurumun Telegram kanalında yerləşdirilmiş bəyanatında deyilir.
Şiə yaraqlılarının İsrailin şimalında atışma zonasını genişləndirdikləri və ilk dəfə olaraq Abirim qəsəbəsini raket atəşinə tutduqları və İsrail hərbçilərinin yaşadığı bir neçə evin vurulduğu bildirilir. “İslam müqaviməti əməliyyatı düşmən təyyarələrinin Livanın Məcdəl Silm, Safed əl-Batih və Şakra kəndlərinə təcavüzkar hücumuna cavab olaraq həyata keçirilib və burada dinc sakinlər həlak olub”, mətndə deyilir.
İşğal altında olan Kfar Şuba yüksəkliklərindəki Ruveysat əl-Aləm məntəqəsində İsrail hərbçilərinin mövqeləri də atəşə tutulub. Açıqlamaya görə, Hizbullah döyüşçüləri düşmən qüvvələrinə zərbələr endirmək üçün öz istehsalı olan iri çaplı “Vabil” (Qrad) raketlərindən istifadə ediblər. “Birbaşa zərbə nəticəsində hərbi bazanın ərazisində atəş ocaqları aşkar edilib”, mətndə qeyd olunur.
Naharnet xəbər portalının məlumatına görə , İsrailin iyulun 18-də Livanın cənubuna təşkil etdiyi hava hücumu nəticəsində 6 nəfər ölüb, daha 18 nəfər yaralanıb. Yerli hakimiyyət orqanları bildiriblər ki, hava hücumu nəticəsində 7 ev dağılıb, daha 25 evə ziyan dəyib. (Tass)