Şiə Hizbullah hərəkatı İsrailin noyabrın 27-də qüvvəyə minən atəşkəs razılaşmasını pozmasına hərbi cavab verməkdən çəkinəcək. Bu barədə TASS-ın müxbirinə Livan parlamentindəki mənbə bildirib.
“Hizbullah rəhbərliyi müqavimət qüvvələri ilə Livan ordusu arasında koordinasiyanı poza biləcək heç bir addım atmamağa üstünlük verir, buna görə də İsrailin pozuntularına hərbi cavab vermək planları yoxdur” deyib.
Həmsöhbətin sözlərinə görə, şiə təşkilatı indi İsrailin təcavüzündən zərər çəkmiş əhaliyə maddi yardım göstərməyə keçib və hətta İsrail Livanın cənub bölgələrindən qoşunlarının çıxarılmasını gecikdirsə belə, yeni qarşıdurmaya çəkilmək istəmir. “Hərbi eskalasiyaya qayıdış siyasi təsirini qoruyub saxlamaq istəyən Hizbullahın maraqlarına cavab vermir”, o vurğulayıb.
Bundan əvvəl İsrailin “Haaretz” qəzeti yazıb ki, yəhudi dövləti ABŞ-Fransa təşəbbüsü nəticəsində əldə olunmuş 60 günlük atəşkəs razılaşmasının müddəti bitdikdən sonra 2025-ci il yanvarın 27-dən sonra yəhudi dövləti Livanın cənubundakı hərbi qüvvələrini tərk edə bilər. (Tass)
