Hizbullah şiə milis bölmələri Qərbi Qalileydə Livanla sərhəddən 4 km aralıda yerləşən Ramot Naftali şəhərində İsrail ordusunun kazarmalarını çoxsaylı raket sistemləri ilə atəşə tutub.
Qurumun Telegram kanalında yerləşdirilmiş bəyanatında bildirilir ki, bu hərbi obyektin ərazisində cəmləşən düşmən qüvvələri minaatanlardan atəşə tutulub. “Düşmən sıralarında itkilər qeydə alınıb, hərbi texnika sıradan çıxıb”, mətndə deyilir.
Bundan əvvəl İsrailin Matat və Ramim yaşayış məntəqələrindəki ordu kazarmalarına hücumlar həyata keçirilib, bu hücumların nəticələri barədə məlumat verilməyib.
Bəyanatda göstərilir ki, şiə döyüşçülərin hücumları İsrail Silahlı Qüvvələrinin Livanın Əl-Teibi və Əl-Edeysa kəndlərinə aqressiv hücumlarına cavab olub və burada dinc sakinlər yaralanıb.
