Livanın “Hizbullah” şiə milislərinin dəstələri 769-cu ərazi briqadasının qərargahını və Kiryat Şmona şəhərindəki İsrail qoşunlarının kazarmalarını çoxsaylı raket sistemlərindən atəşə tutub.
Qurumun özünün Telegram kanalında yerləşdirdiyi bəyanatda deyilir ki, şiə döyüşçüləri “İsrailin Livanın cənubundakı Hənəviyyə kəndinə hava hücumuna cavab olaraq düşmənə atəş açıb və burada dinc sakinlər yaralanıb”.
“İslam müqavimət bölmələri həmçinin Metula şəhəri yaxınlığındakı düşmən qüvvələrinin cəmləşdiyi yerə raket və minaatan hücumu həyata keçirib”, mətndə qeyd edilir: “Birbaşa zərbə nəticəsində düşmən sıralarında ölən və yaralananlar olub .” (Tass)