Hizbullaha aid olduğu iddia edilən kamikadze PUA İsrailin baş naziri Binyamin Netanyahunun Qeysəriyyədəki evini hədəfə alıb. Şahidlər İHA havaya qalxdıqdan sonra böyük partlayış gördüklərini bildiriblər.
Netanyahunun hökumət ofisi açıqlama verib. O, Netanyahunun Qeysəriyyədəki evinin vurulduğunu təsdiqləsə də, həmin vaxt Netanyahunun evdə olmadığını bildirib. Hökumət ofisi Netanyahunun yaralanması ilə bağlı iddiaları təkzib edib.
Digər tərəfdən, İsrail polisinin Netanyahunun evinin ətrafına çoxlu sayda hərbçi göndərdiyi və şəhərdə bu yerə gedən yolların giriş-çıxışlarını bağladığı bildirilib. Sosial mediada yayımlanan görüntülərdə Netanyahunun iqamətgahı ətrafında təhlükəsizlik üçün beton blokların və mühafizə kabinəsinin yerləşdiyi əraziyə tibbi qrupların və polisin sıx şəkildə toplaşdığı görünür. Eyni şəkildə sosial mediada yayılan görüntüdə İHA-nın bölgədə uçan helikopterin yanından keçməsi və daha sonra hücum həyəcanı verməsi diqqət çəkir. Hizbullah hələlik hücumla bağlı açıqlama verməyib.
