Hollandiya Fələstinə göndərilən humanitar yardımın həcminin artırılmasının tərəfdarıdır və bu yardımın ehtiyacı olan insanlara çatdırılması üçün humanitar fasilələri çox vacib hesab edir. Bu barədə Hollandiyanın xarici işlər naziri Hanke Bruins Slot Lüksemburqda keçirilən Aİ Şurasının iclasına gələrkən jurnalistlərə bildirib.
“Humanitar yardımın həcmini artırmaq lazımdır” deyən o, Hollandiyanın bu yaxınlarda Fələstinə bu məqsədlər üçün əlavə 10 milyon avro ayırdığını xatırladıb. “Humanitar fasilələr də çox vacibdir”, – deyən nazir əlavə edib: “İnsanların dərman, qida və suya çıxışı olmalıdır”. Onun çıxışı Aİ Şurasının mətbuat xidməti tərəfindən yayımlanıb. (Tass)