Hollandiyanın xüsusi xidmət orqanları ölkədəki dövlət qurumlarına və kommersiya strukturlarına hücumlarda “naməlum rus haker qrupu”nun əli olduğunu açıqlayıb. Bu barədə Hollandiyanın Baş Kəşfiyyat və Təhlükəsizlik Xidməti (AIVD) və Hərbi Kəşfiyyat Xidmətinin (MIVD) birgə hesabatında deyilir.
Hollandiya tərəfinin bildirdiyinə görə, “Laundry Bear” ləqəbli qrupun 2024-cü ildən Aİ və NATO ölkələrinə qarşı “kibercasusluq əməliyyatları apardığı”, o cümlədən Ukraynaya silah tədarükü ilə bağlı məlumatların toplandığı iddia edilir. Hədəflər arasında təhlükəsizlik qüvvələri, müdafiə şirkətləri və yüksək texnologiya şirkətləri var. Keçən ilin payızında bir hücumda polis məmurlarının iş əlaqə məlumatları oğurlanmışdı.
MİVD-nin məlumatına görə, haker qrupunun Qərb ölkələrinin hərbi texnika alması ilə bağlı məlumatları əldə etmək istədiyi iddia edilir. Bununla belə, kəşfiyyat xidmətlərinin nümayəndələri kiber əməliyyatlarda “Rusiya izini” təsdiqləyən texniki sübut təqdim etməyib, özlərini dəyər mühakimələri ilə məhdudlaşdırıblar. (Tass)