Hollandiyanın internet provayderi Rusiyanın “Sputnik” və “Russia Today” (RT) yayımçılarına qarşı sanksiyalar tətbiq etdiyi üçün Avropa İttifaqının Ədalət Məhkəməsində Avropa Şurasına qarşı iddia qaldırıb. Bu barədə prosesdə iştirak edən Latviya Milli Elektron Media Şurasının (NEPLP) sədri İvars Abolins məlumat verib.
Onun sözlərinə görə, Tvnet telekanalının portalına istinadən , holland provayderi iddia edir ki, bu medianın yayımı dayandırıldıqdan sonra ona ziyan dəyib. Provayderin adı verilmir. Latviya, öz növbəsində, onların yayımının “daha çox zərər verdiyini” iddia edir.
Abolins əlavə edib ki, məhkəmə yaxın vaxtlarda qərar qəbul edəcək və Latviya bu işdə uğur qazanacağına ümid edir. Hollandiya provayderi qalib gələrsə, Sputnik və RT bütün Avropa İttifaqı ərazisində yayımını bərpa edə biləcək. Bununla belə, Latviya onları yenidən əngəlləmək yollarını tapmaq niyyətindədir, NEPLP rəhbəri qeyd edib. (Tass)