Hollandiya Ukraynanın hava hücumundan müdafiəsini gücləndirmək üçün 88 milyon avro ayırıb. Bu barədə Niderlandın Müdafiə Nazirliyinin rəhbəri Ruben Brekelmans Aİ ölkələrinin müdafiə nazirlikləri rəhbərlərinin Brüsseldə keçirilən iclasına gələrkən bildirib.
Onun sözlərinə görə, mobil hava hücumundan müdafiə sistemləri üçün 88 milyon avro ayrılıb. “Onlar bütün dron hücumlarına və raket hücumlarına qarşı istifadə oluna bilər”, – deyə nazir bildirib. Brekelmans aydınlaşdırıb ki, söhbət bir neçə yüz sistemlərin tədarükündən gedir, lakin onların dəqiq sayını açıqlamayıb.
O, həmçinin etiraf edib ki, “Patriot” hava hücumundan müdafiə sisteminin Ukraynaya birgə çatdırılması məsələsi ilə bağlı hələlik hər hansı yeni məlumat verə bilməz.
Əvvəllər Hollandiya Ukraynaya sistemin bir hissəsi kimi radar göndərib, həmçinin üç buraxılış qurğusunu ötürməyi planlaşdırıb. Başqa bir ölkə sistemin digər komponentlərini təmin etməli idi, lakin verdiyi vədləri yerinə yetirmədi. Buna görə də hollandlar hazırda digər tərəfdaşlarla bu komponentlərin tədarükü imkanlarını müzakirə edirlər. Hansı dövlətin layihədə iştirakdan imtina etdiyi göstərilmir.
Hollandiya Müdafiə Nazirliyinin məlumatına görə, bu günə qədər Ukraynaya göstərilən hərbi yardımın ümumi həcmi 3,76 milyard avroya çatıb. (Tass)