Hollandiyada hərbi əməliyyatlar nəticəsində Ukraynaya dəymiş zərər haqqında məlumatların reyestri rəsmi olaraq açılıb. Mərasim Haaqada keçirilən “Ukrayna üçün ədalətin bərpası” beynəlxalq konfransı zamanı baş tutub.
“Mən elan edirəm ki, Ukraynaya dəyən zərərin reyestri rəsmi olaraq açıqdır”, – deyə onun icraçı direktoru Markiyan Klyuçkovski bildirib.
Öz növbəsində, Avropa Şurasının baş katibi Mariya Peyçinoviç-Buriç aprelin 2-də reyestrə ilk məlumatların daxil ediləcəyini bildirib. “Bu, Ukrayna əhalisi üçün ədalətin bərpası prosesində son dərəcə vacib məqamdır”, o hesab edir.
Avropa Şurası 2023-cü il mayın 16-17-də Reykyavikdə keçirilən iclasda hərbi əməliyyatlar nəticəsində Ukraynaya dəymiş zərərin reyestrinin yaradılmasını rəsmən təsdiqləyib. Ukrayna ilə sıx əməkdaşlıq edərək, o, dəymiş ziyanla bağlı iddiaları qəbul edəcək, onlara baxacaq və saxlayacaq.
(Tass)