Hollandiyanın Suriya üzrə xüsusi nümayəndəsi Geis Gerlag Dəməşqə səfər edib və burada “Həyat Təhrir əş-Şam” qruplaşmasının nümayəndələri ilə görüş keçirib. Bu barədə NL Times informasiya portalı məlumat yayıb.
İnternet nəşrinin məlumatına görə, bu, Bəşər Əsəd prezidentlikdən getdikdən sonra Hollandiya hökumətinin nümayəndəsinin Suriyaya ilk səfəridir.
Hollandiya Xarici İşlər Nazirliyinin qeyd etdiyi kimi, ötən həftə keçirilən müzakirələrin məqsədi mövcud təhlükəsizlik vəziyyətini qiymətləndirmək olub. Hollandiyanın xarici işlər naziri Kaspar Veldkamp, ”Hollandiya Suriyanın başçılıq etdiyi əhatəli siyasi keçid prosesinin Suriyada sabitlik üçün çox vacib olduğuna inanır” deyib.
NL Times-ın məlumatına görə, Dəməşqdə Hollandiya səfirliyinin açılması məsələsi hələlik müzakirə mövzusu deyil: Hollandiya hökuməti HTS və digər qrupların gələcəkdə Suriyanın idarəçiliyini necə təşkil edəcəyini gözləmək niyyətindədir.
Bundan əvvəl Almaniyanın xarici işlər naziri Annalena Baerbok və fransalı həmkarı Jan Noel Barro Suriyaya səfər ediblər. (Tass)
