Yəmənin Ənsar Allah üsyançı hərəkatından olan husilər İraq İslami Müqaviməti ilə İsrailə qarşı növbəti birgə əməliyyat keçirərək Hayfa şəhərində hədəfə hücum ediblər. Bu barədə husi ordusunun sözçüsü Yəhya Sariya bildirib.
“Silahlı qüvvələrimiz İraq İslam Müqaviməti ilə birgə əməliyyat keçirib və bu əməliyyat zamanı bir neçə qanadlı raket Hayfada mühüm hədəfi vurub”, – hərəkatın sözçüsü Husilərə məxsus Əl Məsirə telekanalında bildirib.
Saria həmçinin bildirib ki, husilər Qırmızı dənizdə “Seajoy” ticarət gəmisinə pilotsuz təyyarələr, raketlər və pilotsuz qayıqdan istifadə edərək hücum ediblər. (Tass)