Ənsar Allah qiyamçı hərəkatının husiləri Yəmənin Əl-Beydə əyaləti üzərində səmada Amerikanın MQ-9 Reaper pilotsuz təyyarəsini vurub. Bu barədə qiyamçıların yaratdığı silahlı qüvvələrin nümayəndəsi Yəhya Sariya bildirib.
Husilərə məxsus Əl Məsirə televiziyası tərəfindən yayımlanan hərəkatın sözçüsü, “Yəmənin hava hücumundan müdafiə qüvvələri Əl-Beydə əyalətinin hava məkanında düşmənçilik missiyaları yerinə yetirən Amerikanın MQ-9 pilotsuz təyyarəsini vurmağa müvəffəq olub” deyib.
Sarianın sözlərinə görə, üsyançılar Yaxın Şərqdə eskalasiya başlayandan bu tipli 13 Amerika pilotsuz təyyarəsini məhv ediblər. ABŞ Konqresinin Tədqiqat Xidmətinin məlumatına görə, hər cihazın qiyməti 30 milyon dollar qiymətləndirilir.
Qəzza zolağında qarşıdurmanın şiddətlənməsindən sonra Ənsar Allah xəbərdarlıq edib ki, İsraili atəşə tutacaq və Fələstin anklavında əməliyyat dayandırılana qədər əlaqəli gəmilərin Qırmızı dəniz və Bab əl-Məndəb boğazı sularından keçməsinə icazə verməyəcək. Ötən ilin noyabrından husilər Qırmızı dəniz və Ədən körfəzində onlarla mülki gəmiyə hücum ediblər. (Tass)
