İsrail ordusu bütün nizami piyada və zirehli briqadalarını Qəzza zolağına yerləşdirib. Bu barədə “The Times of Israel” məlumat yayıb.
Onun sözlərinə görə, hazırda anklavda Givati, Qolani, Kfir, Nahal briqadalarının bölmələri, paraşütçülər, komandolar, 7-ci, 188-ci və 401-ci zirehli briqadaların qoşunları, həmçinin “müəyyən sayda ehtiyatda olanlar” var. “The Times of Israel” qeyd edir ki, bu qüvvələr sektorda hərbi əməliyyatların daha da intensivləşdirilməsinə hazırlıq fonunda cəmlənir.
Bundan əvvəl İsrail ordusu Qəzzada “Gideonun arabaları” adlı yeni genişmiqyaslı quru əməliyyatı çərçivəsində beş briqadanın fəaliyyət göstərdiyini bildirmişdi. “The Times of Israel”in məlumatına görə, onların sayı on minlərlə əsgərdir. (Tass)