İsrail Müdafiə Qüvvələri (IDF) Livanın cənubundakı hədəfli əməliyyatlarını davam etdirərək, son 24 saat ərzində onlarla terrorçunu məhv edib və Hizbullahın 230-dan çox hədəfini vurub. Bu barədə İDF-nin mətbuat xidməti məlumat yayıb.
“Son 24 saat ərzində İsrail Hərbi Hava Qüvvələri Livanda və Qəzza zolağında təxminən 230 Hizbullah və HƏMAS terror obyektinə, o cümlədən Hizbullahın hava bölməsinə aid üç komanda mərkəzinə zərbələr endirib”, ordunun mətbuat xidmətinin bəyanatında deyilir.
İDF-nin Livanın cənubunda fəaliyyət göstərən 36-cı və 146-cı diviziyalarının “hava və quru əməliyyatlarında onlarla terrorçunu məhv etdiyi, onlarla terrorçu hədəfi vurduğu və böyük miqdarda silah-sursat məhv edildiyi” bildirilir.
Mətbuat xidmətinin məlumatına görə, İsrail hərbçiləri qoşunlar üçün təhlükə yaradan “Hizbullah” əməliyyat mərkəzi aşkar ediblər. Kəşfiyyat məlumatlarına əsasən, İsrail Hərbi Hava Qüvvələri bu əməliyyat mərkəzinə zərbə endirib, təhlükənin qarşısını alıb və içəridə olan 15-ə yaxın terrorçunu məhv edib.