İsrail hərbçiləri Qəzza zolağının cənubundakı Xan Yunis şəhərində Həmas briqadası komandirinin hərbi qərargahının yerləşdiyi çoxmərtəbəli binaya basqın həyata keçirib. Bu barədə İsrail Müdafiə Qüvvələrinin (IDF) mətbuat xidməti məlumat yayıb.
“IDF qoşunları Xan Yunisdə əməliyyatlara nəzarət üçün istifadə edilən çoxmərtəbəli binada HƏMAS briqada komandirinin hərbi qərargahına məqsədyönlü reyd keçirib və orada silah, sursat və hərbi texnika aşkar edib”, – deyə məlumatda bildirilir. “Hərbçilər terrorçuların evlərində də tank əleyhinə raketlər aşkar ediblər”, – deyə mətbuat xidməti əlavə edib.
“Xan Yunis bölgəsindəki əməliyyatlar zamanı İsrail ordusunun əsgərləri qoşunlara doğru hərəkət edən terrorçunu öldürüb”, əlavə olaraq pilotsuz təyyarə “iki terrorçunu vuraraq öldürüb.“Başqa bir insidentdə bir terrorçu İDF əsgərlərinə iki qumbara atıb və hərbçilər tərəfindən öldürülüb” və “Qərbi Xan Yunisdə İDF əsgərlərinin yanında görünən terrorçular yaxın döyüşdə öldürüldü”, deyə hərbçilər əlavə edib. (Tass)