27 Sentyabr 2020 ci il, 30 ilə yaxındı torpaqları işğal altında olan bir xalqın son çarəsi övladlarının canı – qanı bahasına doğma yurduna dönmək, müharibə alovundan keçməklə ərazi bütövlüyü bərpa etmək olur. Tarixi – siyasi məqam yetişir . İşğalçı Ermənistan BMT qətnamələrinə məhəl qoymadan müharibəsiz – döyüşsüz torpaqları təslim etmək istəmir. Bu dəfə hər zaman onu müdafiə edən Rusiya da kənara çəkilir. Azərbaycan ordusu antiterror əməliyyatına başlayır. 44 gün davam edən bu cahangirlik savaşında ordumuz misilsiz qələbə qazanır. Qəhrəman əsgərlərimiz düşmənə göz açdırmır. Qısa müddətdə 30 ilə yaxındı işğalda olan ərazilər azad olunur. Bütün dünyanın diqqət mərkəzində olan döyüş əməliyyatlarında Azərbaycan ordusu müharibə qanunlarını əsla pozmur.
Lakin Ermənistan öz terorçu xislətindən bu dəfə də əl çəkmir. Döyüş əməliyyatlarının getmediyi Azərbaycan şəhərlərinə – Gəncəyə, Bərdəyə uzaqmənzilli raketlər atır. Mülki əhalini hədəfə alır. İçərilərində azyaşlılar da olmaqla çoxlu sayda ölən və yaralananlar olur. Buna baxmayaraq ordumuzun əsgərləri təmkin nümayiş etdirir, yalnız ona qarşı vuruşan ,silah qaldıran hədəfləri məhf edir.
Döyüş əməliyyatlarında Azərbaycan ordusu 3 minə yaxın şəhid verir. Minlərlə əgərimiz yaralanır. Xalqın qəhrəman övladları sözün həqiqi mənasında tarix yazır. Bu qələbədə xalqın bütün təbəqələrinin payı var. Hər kəs yumruq kimi birləşib düşmən üzərində qələbə qazanmaq üçün əlindən gələni edir. Nəhayət 8 Noyabr 2020 ci il tarixində Şuşanın işğaldan azad olunması ilə zəfər tariximiz aydınlanmış olur.
Ordumuzun qüsursuz qələbəsini şərtləndirən əsas amillərdən biri də qarşı tərəfdə olan mülki şəxsləri hədəf almaması oldu. Bu gün istər Rusiya – Ukrayna cəbhəsində, istərsədə Həmas – İsrail qarşudurmasında yüzlərlə uşağın, qocanın, qadınların qətl edilməsinin şahidi oluruq. İstənilən halda müharibə ən son çarə kimi qanla, qadayla başa çatır. Ancaq onun öz qanunları, qaydaları var. Müzəffər Azərbaycan ordusu bütün müharibə qanunlarına əməl edərək, qüsursuz bir zəfər əldə etmişdir. 8 Noyabr zəfər bayramın mübarək Azərbaycan ordusu və onu yetişdirən Azərbaycan xalqı.