Filippin və ABŞ aprelin üçüncü həftəsi ilə mayın ilk həftəsi arasında illik hərbi təlimlər keçirəcək. Bu barədə “Reuters” respublika Silahlı Qüvvələrinin nümayəndəsi polkovnik Maykl Loqikoya istinadən məlumat yayıb.
Onun sözlərinə görə, Balikatan 2024 (Çiyin-çiyin) manevrləri Cənubi Çin dənizində və “Filippinin şimal-qərbindəki ərazilərdə” keçiriləcək. Təlimlərdə iştirak edənlərin sayı 17 min hərbçidən çox ola bilər. Onlarda Avstraliya və Fransa hərbçiləri də iştirak edəcək.
Loqiko əlavə edib ki, əvvəlki manevrlərdə olduğu kimi, hərbçilər gəminin batırılması prosedurunu da işləyəcəklər.
Çin onilliklərdir ki, Filippinlə Cənubi Çin dənizindəki şelfində əhəmiyyətli karbohidrogen ehtiyatları aşkar edilmiş ayrı-ayrı adaların ərazi mülkiyyəti ilə bağlı mübahisələrlə məşğuldur. Söhbət ilk növbədə Xişa arxipelaqı (Parasel adaları), Nanşa (Spratli) və Huangyan (Skarboro rifi) adalarından gedir. Mübahisəli sularda Çin və Filippin gəmiləri arasında insidentlər getdikcə artmaqdadır. (Tass)