“İmmunlaşdırma həftəsi” çərçivəsində vaksinasiyadan kənarda qalan 2600-ə yaxın uşağa peyvənd vurulub.
“Report” xəbər verir ki, bu barədə TƏBİB məlumat yayıb.
Qeyd olunub ki, 27 aprel-3 may tarixlərində bütün şəhər və rayonlarda “İmmunlaşdırma həftəsi” keçirilib.
Tibb müəssisələrində “İmmunlaşdırma həftəsi”nin təmin edilməsi istiqamətində tədbirlər keçirilib. Eyni zamanda bu proses çərçivəsində uşaqların pediatrik, nevroloji, oftalmoloji, otorinolarinqoloji və digər ixtisaslı müayinələri də həyata keçirilib.