İndoneziya prezidenti Coko Vidodo papanın bu ölkəyə səfəri zamanı Papa Fransisk ilə qlobal sülh problemlərini, Ukrayna və Qəzza zolağında mövcud münaqişələri müzakirə edəcəyini bildirib.
“İlk növbədə, biz sülh məsələlərinə diqqət yetirəcəyik. Onunla (Papa – TASS qeydi) bu məsələləri müzakirə etmək bizim üçün çox vacibdir”, – deyə “Jakarta Globe” İndoneziya prezidentinin sözlərindən sitat gətirib. “Biz bütün münaqişə zonalarında, o cümlədən Qəzza, Ukrayna və dünyada davam edən digər kiçik münaqişələrdə sülhün bərqərar olmasına sadiqik”, – o əlavə edib.
Nəşrin məlumatına görə, pontifik sentyabrın 4-dən 6-dək İndoneziyaya səfər edəcək. (Tass)