Porton Daundakı (İngiltərənin cənub-qərbindəki Uiltşir qraflığı) məxfi elmi laboratoriyanın mütəxəssisləri konkret hədəfləri məhv etmək, xüsusən də düşmənin dronlarını və ya rabitə vasitələrini sıradan çıxarmaq üçün nəzərdə tutulmuş radiotezlikli silahlar hazırlayıblar. Bu barədə “The Times” qəzeti elmi mərkəzin nümayəndəsinə istinadən məlumat yayıb .
Qısa lüləli silaha bənzər cihaz, elektron sxemlərə təsir edən, onları həddən artıq yükləyən və hədəfləri sıradan çıxaran elektromaqnit impuls yaradır. Ehtimal edilən ssenarilərə onun ordu maşınının arxasına quraşdırılması və hərbi bazaları dron hücumlarından və ya hərəkət edən konvoyu hava təhdidlərindən qorumaq üçün istifadə edilməsi də daxildir.
Müdafiə Elm və Texnologiya Laboratoriyasının sözçüsü Mett Korkun sözlərinə görə, radiotezlikli silahlar yayda ordu maşınlarına quraşdırılacaq və Britaniya ordusunun 7-ci Hava Hücumundan Müdafiə Qrupunda sınaqdan keçiriləcək.
Bundan əvvəl Böyük Britaniyanın Müdafiə Nazirliyi DragonFire lazerinin yanvar ayında keçirilən uğurlu canlı atəş sınaqlarının görüntülərini nümayiş etdirib . Hər birinin atəşə tutulması cəmi 10 funt-sterlinqə (12,50 ABŞ dolları) başa gələn dəqiq idarə olunan silahların istifadəsi “havadan müdafiə üçün potensial oyun dəyişdiricisidir” dedi MN.
(Tass)