İsrailin Qəzza sektorunu bombalamasına son qoyulmasını tələb edən müharibə əleyhinə nümayişçilər İngiltərənin cənubundakı Roçester şəhərində BAE Systems müdafiə zavodunun girişini bağlayıblar. Bu barədə The Daily Mail məlumat yayıb.
Səhər tezdən başlayan aksiyada müəssisənin girişi qarşısında Fələstin tərəfdarı yazılar olan pankartlar açan 400-ə yaxın həmkarlar ittifaqı üzvünün iştirak etdiyi vurğulanır. Etirazçılardan bəziləri Fələstinə dəstək şüarları səsləndiriblər. Onlar bildiriblər ki, bu aksiya “İsrailə silah satışını dayandırmaqla və dərhal atəşkəs yaratmaqla Böyük Britaniya hökumətinin Fələstində müharibə cinayətlərində iştirakına son qoymaq” olub.
Nəşrin qeyd etdiyi kimi, nümayiş nəticəsində şirkətin işçiləri işə gedə bilməyiblər. The Daily Mail-in məlumatına görə, zavod İsrailin Qəzzaya hava zərbələri zamanı istifadə etdiyi beşinci nəsil F-35 qırıcı-bombardmançı təyyarələrinin pilotları üçün dəbilqə quraşdırılmış displeylər istehsal edir. (Tass)