İnterpolun Mərkəzi Ofisi təşkilatın Sarayevo bölməsinin Serpska Respublikasının (RS, Bosniya və Herseqovina qurumu) prezidenti Milorad Dodik və Milli Assambleyanın (parlament) sədri Nenad Stevandiçin beynəlxalq axtarışa verilməsi ilə bağlı müraciətini rədd edib.
“Serbiyanın prezidenti Aleksandr Vuçiç mənə zəng edərək İnterpol rəhbərliyindən Serbiyanın apellyasiya şikayətinin təmin olunduğuna dair bildiriş aldığını və İnterpolun Bosniya və Herseqovina məhkəməsinin Stevandiç və mənə qarşı qırmızı bildiriş vermək tələbini rədd etdiyini bildirdi”, – Dodik sosial media səhifəsində yazıb.
RS prezidenti Vuçiçə “İnterpolla aydın və prinsipial ünsiyyətə” görə təşəkkür edib, həmçinin Serb Respublikası rəhbərliyinə qarşı məhkəmə prosesinin siyasi mahiyyətinə görə Sarayevonun tələbi ilə bağlı apellyasiya şikayəti verən Macarıstanın Baş naziri Viktor Orbana və “bütün digər dövlətlərin prezidentlərinə” minnətdarlığını bildirib. (Tass)