40 ölkənin hüquq-mühafizə orqanlarının iştirak etdiyi genişmiqyaslı İnterpol əməliyyatı kibercinayətkarlıqda şübhəli bilinən rekord sayda – 5,5 min nəfərin həbsinə səbəb olub. Bu barədə idarənin saytında dərc olunan məlumatda deyilir.
Qeyd olunur ki, iyuldan noyabr ayına qədər davam edən əməliyyat zamanı hüquq-mühafizə orqanlarının əməkdaşları müxtəlif valyutalarda oğurlanmış 400 milyon dollardan çox vəsaiti və virtual aktivləri də ələ keçirə biliblər. İnterpol aydınlaşdırıb ki, əməliyyat yeddi növ kibercinayətlə, o cümlədən telefon fırıldaqçılığı, onlayn tanışlıq fırıldaqları, internetdə qanunsuz qumar oyunlarının təşkili və s aparılıb.
Vurğulanır ki, əməliyyat nəticəsində Koreya Respublikasının hakimiyyət orqanları Çin hüquq-mühafizə orqanları ilə birlikdə cinayətkar sindikatın üstünü açmağa nail olub, nəticədə 1,9 mindən çox insan yaralanıb, ümumilikdə isə təxminən 1,1 milyard dollar oğurlanıb, cinayətkar qrupun ən azı 27 üzvü saxlanılıb, onlardan 19-u sonradan ittiham edilib.
“Kibercinayətkarlığın nəticələri dağıdıcı ola bilər – insanlar əmanətlərini itirir, bizneslər fəaliyyətini davam etdirə bilmir, rəqəmsal və maliyyə sistemlərinə inam sarsılır”, – İnterpolun baş katibi Valdez Urquiza bildirib. Onun sözlərinə görə, kibercinayətkarlığın transsərhəd xarakteri beynəlxalq hüquq-mühafizə əməkdaşlığının vacibliyini vurğulayır. (Tass)