Qlobal istiləşmə səbəbindən hazırda məşhur turist məkanları olan UNESCO-nun Dünya İrsi siyahısına daxil edilmiş əlli obyekt 2050-ci ilə qədər Yer üzündən yox ola bilər.
Daşqınlar, sahil eroziyası, sürüşmələr, küləklər, tufanlar və siklonların dünyadakı attraksionlara necə təsir edəcəyini proqnozlaşdırmaq üçün iqlim modellərindən istifadə edən Climate X tədqiqatçıları belə nəticəyə gəliblər, Daily Mail yazır.
“Bizim tapıntılar hökumətlərə, təbiəti mühafizə edənlərə və dünya ictimaiyyətinə planetimizin qorunmasına – qədim abidələrimizin, mövcud aktivlərimizin və infrastrukturumuzun qorunub saxlanmasına, bu gün və gələcəkdə həyatın qorunmasına prioritet verilməsinin zəruriliyi ilə bağlı ciddi xəbərdarlıq rolunu oynayır”, – Climate X-in direktoru və həmtəsisçisi Lukki Əhməd bildirib.
Siyahının birinci yeri İndoneziyanın Bali adasında yerüstü daşqınlara, həddindən artıq isti günlərə və quraqlıq riskinə qarşı həssas olan Subak sel düzənliyindəki çəltik suvarma sistemi olub.
Sonrakı yerdə yerüstü daşqınlar və meşə yanğınları riski ilə üzləşən Avstraliyadakı Kakadu Milli Parkı və quraqlıqdan əziyyət çəkə biləcək Çinin Quanzhou qədim ticarət mərkəzidir.
Siyahıya daxil olan digər əsas yerlər arasında Avstraliyadakı Sidney Opera Evi, ABŞ-da Olimpiya Milli Parkı, Fransadakı Fontainebleau Abbey, İsveçrədəki Jungfrau Alek Alp dağları, Almaniyanın Essen şəhərində istifadəsiz Zolfrein mədəni, Bolqarıstandakı Srebirna Təbiət Qoruğu, Rumıniyadakı Dunay Deltası, Qərbi Norveçin fyordları, Hindistanda Günəş Məbədi (Konarak), Cənubi Koreyadakı Sansa Buddist dağ monastırları və s.
UNIAN xəbər verir kii, elm adamları buzlaqların əriməsinin meqatsunamiyə səbəb ola biləcəyi barədə əvvəlcədən xəbərdarlıq ediblər.