Ermənistan Azərbaycandan sülh sazişi layihəsi ilə bağlı növbəti təkliflər paketi alıb. Bu barədə TASS-a respublikanın Xarici İşlər Nazirliyinin mətbuat katibi Ani Badalyan məlumat verib.
“Ermənistan Azərbaycan tərəfdən doqquzuncu buraxılış sülh sazişi layihəsi ilə bağlı təkliflər alıb”, – o qeyd edib.
Ermənistan hakimiyyəti dəfələrlə bəyan edib ki, Azərbaycanla üç əsas prinsip əsasında sülh sazişi imzalamağa hazırdırlar. Tərəflər SSRİ-nin dağılmasından sonra yeni müstəqil dövlətlər tərəfindən imzalanmış, sovet ölkələrinin inzibati sərhədlərini dövlət sərhədləri kimi tanıyan Alma-Ata Bəyannaməsini tanımalı, onun əsasında delimitasiya və demarkasiyanı həyata keçirməli, eləcə də dövlət sərhədləri daxilində regional kommunikasiyalar açmalıdırlar. (Tass)